BRO

Turing niya sa akin ay kabaro

Tingin niya, ako ay kanyang katoto

Ang tawag niya nga sa akin ay bro-

Tigilan mo nga nandidiri ako.

Pareho kami ng taas ng tindig

Boses namin ay magkasing baba ng tinig

Ngunit magkaiba ang damdaming hinimig

At puso ko ay siya ang pinipintig.

“Pare, walang talo-talo”

‘Yun ang aming ipinangako.

Pero paano ang aking pagsusumamo

Isusuko ko ba at hahayaang maglaho?

Magkasama kami sa lahat ng tambay

Sa inuman, iisa ang aming tagay

Sa lahat ng oras ay magkaramay

Kami kaya ay bagay?

Bulaklak ang gusto niya

Samantalang ako, tanging Siya.

Dugo namin daw ay iisa

Subalit ‘yun ang akala niya.

Ang sabi niya, mali

At siguradong magagalit ang marami.

Sa iba na lang daw ako humingi

Ng pag-ibig dahil hindi pwedeng maging kami.

Turing niya lang sa akin ay utol

Sa katulad ko, hindi siya pumapatol.

Masakit man ang kanyang huling hatol

Tatanggapin nang pagsasamahan ay ‘di maputol. L

BAHA-HARI

Panahon na naman ng tag-ulan

At ang kalangitan ay binabalot ng kadiliman.

Sumilong ka na bago pa maabutan

Ng tubig-bahang mistulang isang malawak na dalampasigan.

Masarap pagmasdan ang bawat patak ng ulan

Ngunit ikaw ba ay patuloy na masisiyahan

Kung pagbuhos nito ay hindi na mapigilan

Habang nakikitang lubog sa tubig ang kapaligiran?

Kaawa-awa ang mga naglalangoy na hayop, puno at halaman

At mga bubong ng bahay na tanging nasisilayan.

Kaya't huwag kang bibitiw sa  iyong kinakapitan

Baka malunod ka at maglayag sa kung saan-saan.

Kung bahang ayaw tumila ang naghaharing kalaban,

Hanggang kailan ka mananatili sa iyong kinatatayuan?

Ipinapanalangin na ang bahag-hari ay muling makita sa kalangitan

Nang init at sinag ng araw dumampi at maramdaman.

Puso'y 2

Mahal kita at mahal ko din siya

Paano nga bang magmahal nang dalawa

Kung pareho ko silang ayaw mawala?

Hindi ko yata kayang makitang masaktan ang isa.

Naglalaro sa dalawang paraiso

Subalit pagmamahal ay hindi naman buo

Sapagkat hinahati sa magkaibang puso

Ang pag-ibig na laan lang sana sa iisang tao.

Hindi ko masukat kung sino ang mas matimbang

Basta't sila'y mahal ko, 'yun ang aking alam.

Mali sa tingin ng iba pero wala akong pakialam

Dahil mahirap turuan ang pusong may pakiramdam.

Isang gintong pag-ibig sa dalawang singsing

Hindi ko alam kung sino ang aking pipiliin.

Kung sana dalawang baraha ang maging akin,

Pareho ko silang iibigin.

SAMA-SAMA (SAM-Ader Day)

Shiftee Ako Mula Accountancy

Sayang! Ako'y Malapit na Actually.

Sa ngayon Ako'y Management Accountancy.

Sayang! Ang Maganda sanang Ani.

Sino Ang May sala? AKO?

Sira! Ako'y Minalas lang Ano.

Sinisi Ay Madalas Ako

Subalit Anong Magagawa, Alangan ipilit ko?

Sakit Aminin, Mahirap na ito Ay tanggapin

Sana Ay 'wag ka nang Magtangkang Alamin

Sisigaw At Maiiyak lang Aking damdamin

Shhh! sige na Ah. Maawa ka sa Akin.

Sugat, Alinlangan, Masakit na Alaala

Sana Ay Mawala na Ama!

Sisimulan ko na Ang Magbago kahit ito Ay huli na.

Sikap At Magtiwala sa Iyo Aking mga sandata!

Ang hiling ko ngayon...

Sana Ay Muling maging Akin

Si Accountancy'ng Minsa'y nabigong Abutin.

Sana Ang Munting Asam at dalangin,

Sumibol At Maging Araw

sa susunod na ito'y muling susubukin.

Maybe SAM-Ader Day! :)

Just an Ordinary Stone

How much does an ordinary stone worth

When it's only made out of dashes of dirt?

If man seeks brilliance in his sight

Can a pyramid still stand high with might?

I know a stone can never be placed

Like a diamond in a ring or lace

Nor it can never be called

Like a treasure of splendid gold.

For ordinary stones are only thrown

While those special jewels own a throne.

For no one will dig a just ordinary stone in the sand

Like precious gems loved by every hand.

Fallen Star

I used to be a bright star

That shines above the midnight sky

Where people's eyes are mine

Rejoicing and envying my every gleams of light.

But time passed by too fast

And so with winter that frozen me until I die;

Where darkness smothered my way out of destiny

Leading me to fall into the grounds of misery.

Wish i could fly back at the midnight scene

So everyone will love me as always been.

'Coz now that I am a fallen star,

I can feel the pain of that distance so far.

Anak ng Bata

Musmos at wala pang alam si Nene,

Ngunit meron na siyang pinapadede't hinehele.

Si Totoy na may gatas pa sa labi,

Ngayon siya ay may kahati.

Hindi pa man nakakatayo sa sariling paa

Pasan na nila ang daigdig na pangmatanda.

Buhay nila'y paano pa kaya

Kung sa tulong ng mga magulang lang sila umaasa?

Naligaw sa maling landas

At ang pinto pabalik tila ayaw magbukas.

Kakayanin ba ng munting lakas

Na buhatin ang responsibilidad ng hindi tumatakas?

Bata, bata, tahan na sa pagluha.

Kung sa una'y nag-isip ka lang ng tama

Di sana'y wala kang anak na problema

Makakapaglaro ka pa sana ng malaya.

Baso-ra

Basura noon, basura pa rin at dumami pa sa ngayon

Kalat na galing dito, umabot na hanggang doon.

Tila Ilog Pasig na laman ay dumi ng tumatakbong panahon

Na unti-unting umaapaw tulad ng tinding ng Bulkang Mayon.

Mga pira-pirasong ginto na sa kanila'y nagtatago

Bakit hindi gawing buo para maging negosyo?

At hindi itayong parang palasyo

Na inaalipin tayo sa kamay nito.

Gusto mo ba talagang maligo sa tubig na putik

At uminom ng isang basong lasang panis?

O di kaya'y maglakad sa lugar na matinik

At masilayan ang tanawing basura ang nakatirik.

Puno na nga ang baso at wala nang paglagyan

Ng mga kalat na itinatapon lang sa kung saan-saan.

Hahayaan bang basora ang manirahan

Sa paraisong dapat tayo ang nakikinabang?

Kama-tayan

Nais mo na rin bang matulog sa iyong kamatayan

Kung saan hapdi ay di mo na mararamdaman

At ang pasanin mo sa buhay ay maglalahong tuluyan

Sapagkat sa pagkahimlay mo'y nandoon ang inaasam?

Ikaw ba'y nabubuhay ngunit parang isang patay

Na nakakulong sa rehas ng pagkalumbay?

Ikaw ba'y nakatayo sa tulong ng saklay

Ngunit di pa rin makalayo at makamit ang tagumpay?

Pagod ka na bang maghintay sa bukas na hindi na darating?

Sawa ka na bang maniwalang may makikinig sa iyong dalangin?

Kung sa dilat na mata'y mayroong bumabalot na dilim

Samantalang sa pagkapikit ay may magandang tanawin,

ano ang iyong pipiliin?

Kalayaan... sa paghihirap na hinaharap mo-

Isang pagtakas sa bigat ng problemang pasan mo.

Ngunit kaya mo bang mga mahal mo'y isakripisyo

At makita silang lumuluha dahil sa pagkawala mo?