CHISMOSA

Nakita.

Narinig.

Naisip.

Naramdaman.

Sa palagay ko.

Sabi ni ano.

Ayon kay ganito.

‘Yun daw ang balita sa kanto.

Sinubaybayan.

Pinakinggan.

Pinakialaman.

Pinakiramdaman.

Inakala.

Ipinasa.

Inilipat sa iba.

Ikinalat ay iba.

Dinagdagan.

Binawasan.

Pinalitan.

Pinagkaguluhan.

Dada ng dada.

Mali naman ang balita.

Putak ng putak.

Dinungisan pa pagkatao ng iba.

SShhh! Tahimik!

SShhh! Itikom ang bibig!

Tama na nga ang salita

Huwag kang chismosa!

kabOs kadi?

Hindi ko lubos maintindihan
Kung ano talaga ang iyong katauhan-
Madalas mabait, minsan masungit
Madalas makulit, minsan malupit.


Nagpapanggap ka ba
O baka trip mo lang yata?
Nagtataka ako kung ikaw ba ay bida
O isang lihim na kontrabida.


Bawat segundo, paiba-iba ang iyong gusto
Bawat minuto, ako sa iyo'y naninibago.
Sinasapian ka ba ng multo
O baka binubulungan ng masamang espiritu?


Dilat aking mata at ako ay saksi
Totoo nga ito at hindi guni-guni
Pero teka nga muna sandali...
KabOs kadi?

SAY SWAT!!!! (A SWAT Shout for LAW)

Sana ‘Wag Ako Tawagin

Sana ‘Wag Ako Tanungin

Sapagkat Wala Akong Tamang sasagutin

Sasabihin ay Wala At Tanging mali lang din.

Sigaw ay ‘Wag! kundi Ako ay Tatakas

Sigaw ay ‘Wag! kundi Ako ay Tatakbong palabas

Sige na!  Wala Ako sa Tamang pag-iisip at landas

Sige na!  Wala Ako sa Tiyempong magpakitang gilas.

Siguradong Wala Akong masasagot na Tama

Siguradong Wow! Ako ay Tatayo lang na parang tangga.

‘Sensya na! Weak Ako ngayon Talaga

Sa susunod Wala na Akong reklamo, sige na.

Siya na lang! ‘Wag Ako! Thank you po!

Siya na lang! ‘Wag Ako! Tense na ako

Say What? Ako na? dali Tago!

Say What? Ako na? Tatanggi ako.